Gazetari i gazetës prestigjioze gjermane “FAZ” Michael Martens, përmes një postimi në platformën sociale ‘’X’’, ka thënë se ka zhvilluar një intervistë me ish-presidentin Hashim Thaçi.
Martens, këtë deklaratë e ka bërë në një postim të tij, ku ai ka kritikuar presidenten Vjosa Osmani, lidhur me dokumentarin ‘Melania’’ i Melania Trump, i cili ka pasur premierën në Kosovë nën kujdesin e Presidentes.
“Por a janë këto raste të njëjta? Z. Thaçi, të cilin sapo e intervistova (ende e pabotuar), u shantazhua me të kaluarën e tij dhe veproi nga frika. Z. Kurti nuk iu afrua fshehurazi banditëve të Trumpit. Znj. Osmani po. E kuptoj situatën e vështirë të Kosovës. Sigurisht, largimi nga SHBA-të nuk është një opsion.”, ka shkruar ai.
