Gazetari anglez Adam Bate vlerëson futbollistin Granit Xhaka.
Ai ka shkruar fjalë të mëdha në rubrikën e tij në “Sky Sports”.
Sipas Bate, ndërkombëtari zviceran është ndër 20 më të mirët në Premier League në shumë statistika dhe është e ka cilësuar “Transferimi i Sezonit”.
“Gazetari i Sky Sports Adam Bate vlerëson Granit Xhakën deri në qiell.
Me të drejtë, pasi kapiteni i ekipit kombëtar të Zvicrës ka bërë asistime vendimtar në tre golat e fundit të Sunderlandit.
Xhaka është emëruar menjëherë kapiten pas arritjes në Sunderland.
Trajneri i tij, francezi Régis Le Bris, është gjithashtu entuziast për të.
Sipas Bate, kapiteni i ekipit tonë kombëtar është ndër 20 lojtarët më të mirë në Premier League në statistika të shumta, nga prekjet te duelet e fituara deri te rastet e mëdha”, shkruan media zvicerane “Blick”.
Xhaka ka asistuar në secilin nga tre golat e fundit të Sunderlandit; vetëm Jack Grealish i Evertonit ka më shumë asistime në këtë sezon.
33-vjeçari ishte gjithashtu njeriu vendimtar me asistimin e tij në fitoren e ngushtë 1:0 kundër Nottingham Forest.
“Me përvojën e tij, ai mund të drejtojë dhe kontrollojë ndeshjet”, – shkruan gazetari. Ai është mesfushori i shquar në fushën e City Ground.
Bate është entuziast: “Cilësitë udhëheqëse të ish-lojtarit të Bayer Leverkusen i bëjnë të tjerët më të mirë”.
Fakti që skuadra e sapongjitur në kategori, aktualisht është në vendin e pestë në tabelën e Premier Leagues, tani mund të ndjekë synimet më të larta sesa thjesht qëndrimi në ligë, është kryesisht falë Xhakës.
Për gazetarin, një gjë është e qartë: Xhaka është transferimi i sezonit.
