Ushtarët amerikanë kanë marrë disa masa për të mbrojtur asetet dhe pajisjet e tyre në Lindjen e Mesme, ndërsa konflikti mes Izraelit dhe Iranit vazhdon.
Këto masa përfshijnë evakuimin e të gjitha aeroplanëve të pambrojtur nga baza e madhe ushtarake e SHBA-së në Katar dhe zhvendosjen e anijeve të Marinës së SHBA-së të stacionuara në Bahrein, sipas dy zyrtarëve të mbrojtjes që i thanë CNN-së.
Një imazh satelitor i datës 19 qershor tregon pista pothuajse të zbrazura në Bazën Ajrore Al-Udeid të ushtrisë amerikane në Katar, pas zhvendosjes së aeroplanëve të pambrojtur në vende të tjera. Ky veprim vjen në mes të kërcënimit se Irani do të sulmonte bazat amerikane në rajon nëse SHBA-ja vendos të bashkohet me Izraelin në sulmin ndaj objekteve bërthamore iraniane.
Komanda Qendrore e SHBA-së ka vendosur gjithashtu furnizime shtesë me gjak në rajon, sipas zyrtarëve dhe një burimi të njohur, që është një procedurë standarde çdo herë që ka mundësi për një sulm ndaj forcave amerikane.
