Volejbollistja braziliane e Dinamos Najara Ferreira është vënë në qendër të debateve pak ditë më parë pasi u pezullua nga Federata Shqiptare e Volejbollit, pasi iu kërkua që ajo t’i nënshtrohej një ‘testi gjinie’, pas ankesës së Vllaznisë dhe Pogradecit.
Një ngjarje e tillë është e paprecedentë në sportin shqiptar dhe vetë 32-vjeçarja është ndjerë e fyer dhe e diskriminuar, duke kaluar një shok psikologjik.
Veç testit te gjinekologu, asaj iu kërkua edhe ‘testi i gjinisë’, paçka se ka luajtur më parë në Spanjë, Çeki, Portugali apo edhe Finlandë.
Megjithatë në web mund të gjesh foto të Ferreirës nga vitet e mëparshme, që tregojnë pamjen e saj në moshë më të hershme.
