Familja e Thaçit ngushëllon familjen e Artur Zhejit: Ishte intelektual i rrallë dhe zë i guximshëm i kohës sonë
Familja e ish-presidentit të Kosovës, Hashim Thaçit, e ka ngushëlluar familjen e Artur Zhejit, i cili ndërroi jetë një ditë më parë.
Në telegramin e ngushëllimit, familja e Thaçit ka thënë se Artur Zheji ishte emër i shquar i mendimit publik, intelektual i rrallë dhe zë i guximshëm i kohës sonë.
KY ËSHTË TELEGRAMI I NGUSHËLLIMIT I FAMILJES THAÇI PËR FAMILJEN ZHEJI:
E nderuara Familje Zheji,
Me pikëllim të thellë morëm lajmin për ndarjen nga jeta të Artur Zhejit, emër i shquar i mendimit publik, intelektual i rrallë dhe zë i guximshëm i kohës sonë.
Në këto momente dhimbjeje, bashkëndjejmë me ju për këtë humbje të madhe. Artur Zheji do të kujtohet me respekt dhe nderim për integritetin dhe guximin e tij intelektual.
Në emër të ish-presidentit Hashim Thaçi dhe familjes Thaçi, ju lutemi pranoni ngushëllimet më të sinqerta!
Qoftë i përjetshëm kujtimi i tij!
Me respekt,
Familja Thaçi
Prishtinë, 24 gusht 2025
