Kandidati i Lidhjes Demokratike të Kosovës, Fadil Geci, ka shprehur mirënjohjen për mbështetjen e qytetarëve gjatë vizitave në Shtime, Lipjan dhe Prishtinë, Dega IV.
Përmes një postimi në rrjetet sociale, Geci tha se atmosfera në takime ka qenë e jashtëzakonshme dhe mbështetja për LDK-në dhe kandidatin për deputet nr. 33 ishte e fuqishme.
“Shtimja, Lipjani dhe Prishtina Dega IV treguan përkrahje të madhe dhe të palëkundur për LDK-në. Atmosferë e jashtëzakonshme dhe mbështetje e fuqishme për LDK 123 dhe për kandidatin për deputet Fadil Geci, nr. 33”, shkroi ai.
Ai falënderoi qytetarët për energjinë dhe besimin e treguar në këtë përkrahje për partitë dhe kandidatët e LDK-së.
