Presidenti turk Rexhep Tajip Erdogan tha në një bisedë telefonike me presidentin amerikan Donald Trump të dielën se sulmet e Izraelit ndaj Iranit kishin shkaktuar “dëm të pariparueshëm ekonomik dhe civil” për të dyja palët, duke theksuar nevojën për të ndaluar këtë përshkallëzim të rrezikshëm.
Duhet të ndërmerren “veprim urgjent” për të parandaluar që konflikti midis Iranit dhe Izraelit të përfshijë të gjithë Lindjen e Mesme, tha Erdogan në një telefonatë me homologun e tij amerikan Trump.
“Presidenti Erdogan përshëndeti komentet e fundit të presidentit amerikan Trump në lidhje me zgjidhjen e konfliktit midis Izraelit dhe Iranit… dhe theksoi se veprimet urgjente janë të nevojshme për të parandaluar një katastrofë që mund të përfshijë të gjithë rajonin”, tha presidenca turke.
Të dy liderët diskutuan konfliktin izraelito-iranian, marrëdhëniet dypalëshe dhe çështjet rajonale gjatë bisedës telefonike, njoftoi Drejtoria e Komunikimeve e Turqisë në platformën X.
Erdogan përsëriti se diplomacia është e vetmja rrugë praktike për zgjidhjen e çështjes së programit bërthamor të Iranit, duke shprehur gatishmërinë e Ankarasë për të bërë të gjitha përpjekjet në këtë drejtim, përfshirë ndërmjetësimin.
Sulmet e Izraelit ndaj Iranit kanë shkaktuar “dëm të pariparueshëm ekonomik dhe civil” për të dyja palët, tha presidenti turk, duke theksuar nevojën për të ndaluar këtë rrugë të rrezikshme.
Trump tha në një postim në platformën “Truth Social” të dielën se “Irani dhe Izraeli duhet të arrijnë një marrëveshje – dhe do ta bëjnë”, duke shtuar se thirrjet dhe takimet e shumta tashmë janë duke u zhvilluar me synimin për të arritur paqen.
Konflikti filloi në orët e hershme të mëngjesit të së premtes, kur Izraeli kreu sulme në objektet ushtarake dhe bërthamore iraniane, duke vrarë disa komandantë dhe shkencëtarë të rangut të lartë. Izraeli vazhdoi sulmet dhe Irani u përgjigj me sulme hakmarrëse.
Trump dhe Erdogan folën gjithashtu me telefon të shtunën.
