Prokuroria Speciale e Kosovës ka reaguar lidhur me ekspozitën e shfaqur në Prishtinë mbi masakrat e ndodhura gjatë luftës në Kosovë, duke njoftuar se po e përcjell me vëmendje çdo informacion të publikuar për ekspozitën “Masakrat në Kosovë 1998-1999”, e vendosur në sheshin “Nënë Tereza” në Prishtinë.
Përmes një njoftimi, Prokuroria Speciale e Republikës së Kosovës thekson se, në përputhje me kompetencat ligjore, çështja do t’i nënshtrohet vlerësimit për të përcaktuar nëse përmban elemente të përgjegjësisë penale.
“Në përputhje me kompetencat ligjore dhe me mandatin e Prokurorit të Shtetit, kjo çështje do t’i nënshtrohet vlerësimit për të përcaktuar nëse përmban elemente të përgjegjësisë penale”, thuhet në njoftim.
