Një moment i pazakontë ndodhi një natë më parë gjatë një emisioni televiziv, ku ishte aktorja Egla Ceno dhe e ftuar poetja e njohur Mimoza Ahmeti.
Teksa Ahmeti kishte sjellë disa nga librat e saj, Egla i kërkoi që t’i vendoste një autograf në njërin prej tyre.
Por në vend të një përqafimi miqësor mes artdashësesh, situata u kthye në një moment të sikletshëm për shkak të reagimit të papritur të poetes.
Ahmeti refuzoi ta nënshkruante librin, duke lënë të habitur jo vetëm aktoren, por edhe publikun e pranishëm në studio.
Pjesë nga debati:
Egla: A mund të më vendosësh një autograf.
Mimoza: Më fal, ky është libri që solla unë?
Egla: Kam përshtypjen po.
Mimoza: Këto i kam për punë.
Egla: A mund t’i blejmë këto?
Mimoza: Jo, e kam për punë.
Kleoniki: A kanë ndryshim këto libra me të tjerë që keni.
Mimoza: Kam udhëtime për të bërë. Do shkoj në Gjermani, nuk do blej libra. Nuk i dhuroj njeriu libra. Duhet të ketë bërë të pamundurën për mua që t’i dhuroj libra.
Përmes një postimi, ajo ka ironizuar veprimin e poetes, duke shkruar “kjo është një simfoni hipokrizie e shoqëruar me simptoma të një narçizmi të veshur me ‘poezi’ dhe ftohtësi që as metaforat nuk e ngrohin dot”.
Reagimi i saj u komentua gjerësisht në rrjetet sociale, ndërsa pamjet nga momenti u shpërndanë me shpejtësi. Nuk dihet nëse pas këtij momenti ka pasur një shpjegim apo komunikim mes dy artisteve.
