Kryeministri i Shqipërisë Edi Rama ka shprehur ngushëllimet e tij për humbjen Artan Lames, i cili ndërroi jetë në moshën 58-vjeçare pas një ndërhyrjeje në zemër.
Në reagimin e tij, Rama e cilësoi lajmin për ndarjen nga jeta të Lames si “të pabesueshëm“.
“I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë. Ngushëllime Mirelës, djalit të tyre dhe familjes e shokëve të përbashkët”, shkruan Rama.
