Një aksident i rëndë trafiku me pasojë vdekjen ka ndodhur mbrëmjen e sotme në rrugën nacionale Mitrovicë–Prishtinë, konkretisht në fshatin Nadakovc.
Sipas njoftimit zyrtar nga Policia, aksidenti ka ndodhur rreth orës 20:00, ku janë përfshirë një automjet dhe një këmbësor.
Si pasojë e lëndimeve të rënda, këmbësori, një i ri rreth 27-vjeçar, ka ndërruar jetë menjëherë në vendin e ngjarjes.
“Drejtuesi i automjetit është shoqëruar në Stacionin Policor për intervistim dhe procedura të mëtejme ligjore. Njësitet kompetente, përfshirë hetuesit e aksidenteve të trafikut, janë duke ndërmarrë veprime hetimore për të sqaruar shkaqet dhe rrethanat e këtij aksidenti”, thuhet në komunikatën e Policisë.
