Një ngjarje e rëndë është shënuar sot në qytetin e Prizrenit, ku një person është gjetur pa shenja jete në shtëpinë e tij në rrugën “Janina”.
Siç njofton Policia e Kosovës, bëhet fjalë për një burrë me inicialet M.G., rreth 73-vjeçar, i cili jetonte i vetëm.
Rreth orës 12:51, Policia është njoftuar nga Emergjenca për rastin dhe menjëherë kanë dalë njësitë relevante në vendin e ngjarjes.
Vdekja e viktimës është konfirmuar nga mjeku kujdestar që ka dalë në shtëpinë ku ndodhej trupi i pajetë.
Lidhur me këtë rast është njoftuar Prokurori i Shtetit, i cili ka urdhëruar që trupi të dërgohet në Institutin e Mjekësisë Ligjore në Prizren për autopsi, me qëllim të sqarimit të shkaqeve të vdekjes.
Ndërkohë, hetimet për rastin janë duke vazhduar.
