Një vajzë 15-vjeçare humbi jetën dhe një tjetër u plagos gjatë një ngjitjeje për të bërë selfie në Cesiomaggiore, në provincën e Bellunos. Ngjarja tragjike ndodhi në Busche, një qytet pranë lumit Piave, kur një pjesë e shkëmbit u shemb mbi vajzat gjatë ngjitjes.
Sipas raportimeve, vajzat po ngjiteshin në një shpat, kur papritmas një shkëmb i madh u shkëput dhe ra mbi to. Viktima e 15-vjeçare u shtyp menjëherë nga shkëmbi dhe humbi jetën, ndërsa vajza tjetër mbeti e plagosur me disa fraktura, por gjendja e saj është stabile. Një vajzë e tretë që ishte me ta nuk ka pësuar lëndime.
Ndihma e shpejtë mbërriti në vendngjarje, me një ambulancë nga spitali Santa Maria del Prato në Feltre dhe një helikopter emergjence. Zjarrfikësit angazhuan kërkimin e vajzës, fillimisht duke menduar se ajo mund të kishte rënë në ujë. Mjeku ligjor konfirmoi vdekjen e vajzës së 15-vjeçare.
Karabinierët po punojnë për të rindërtuar rrethanat e aksidentit dhe kanë mbledhur dëshmi nga dëshmitarët. Ky rast ka ngritur shqetësime për sigurinë gjatë aktiviteteve në natyrë dhe rëndësinë e kujdesit gjatë përdorimit të mediave sociale.
