Një ngjarje e rëndë ka ndodhur mbrëmjen e djeshme në Canaro, në provincën e Rovigos në Itali. Një familje e tërë, për të cilën nuk ishte marrë asnjë lajm prej disa ditësh, u gjet e pajetë në shtëpinë e tyre.
Zjarrfikësit ndërhynë rreth orës 23:00 pas kërkesës së karabinierëve dhe alarmit të ngritur nga disa kolegë të kryefamiljarit 51-vjeçar, i cili nuk ishte paraqitur në punë për njëfarë kohe.
Ekipi i policisë së Rovigos gjeti trupat e pajetë të një babai, një nëne 47-vjeçare dhe vajzës së tyre 27-vjeçare brenda në shtëpi. Gjatë inspektimit, oficerët të pajisur me pajisje zbulimi gazi, zbuluan rrjedhje monoksidi karboni nga kaldaja.
Familja moldave kishte jetuar në Itali prej njëzet vitesh. Ata u gjetën në shtretërit e tyre të pajetë pa shenja dhune, ndërsa macja e tyre u gjet gjithashtu e ngordhur.
Autoritetet kanë nisur hetimet për të konfirmuar shkaqet e vdekjes, ndërsa vendi është tronditur nga ngjarja.
