Një ngjarje e rëndë ka ndodhur orët e mesnatës në një shtëpi në Gjakovë, ku si pasojë e flakëve të marra, një person ka humbur tragjikisht jetën.
Rastin për Sinjalin e ka konfirmuar zëdhënësi i Policisë për rajonin e Gjakovës, Sheremet Elezaj.
Ngjarja ka ndodhur në rrugën “Musa Zajmi” dhe me të marrë informatën, njësitet policore dhe zjarrfikësit kanë reaguar dhe kanë lokalizuar zjarrin.
Megjithatë, gjatë ndërhyrjes, brenda shtëpisë është gjetur një trup i pajetë i një mashkulli.
Sinjali ka siguruar pamje nga incidenti tragjik, ku shtëpia u kaplua nga flakët.
Në konsultim me prokurorin e shtetit është iniciuar rast “shkaktim i rrezikut të përgjithshëm”, ndërsa trupi i pajetë i viktimës do të dërgohet për ekzaminim mjeko-ligjor.
