Një aksident tragjik i ndodhur dje në fshatin Kotorr të Skenderajt i ka marrë jetën 55-vjeçarit Driton Hajrizi, një figurë e njohur dhe e respektuar në komunitet dhe më gjerë.
Driton Hajrizi ishte një ish-pjesëtar i Ushtrisë Çlirimtare të Kosovës (UÇK), ku kontribuoi me përkushtim gjatë luftës për liri. Pas përfundimit të luftës, ai vazhdoi të shërbente me nder në Trupat Mbrojtëse të Kosovës (TMK) dhe më vonë në Forcën e Sigurisë së Kosovës (FSK), duke dhënë kontribut të çmuar për ndërtimin e paqes dhe sigurisë në vend.
