Një ngjarje tragjike ka tronditur qytetin Racale në provincën e Lecce, në rajonin italian të Salentos, ku një grua 53-vjeçare është vrarë brenda në shtëpi nga djali i saj 21-vjeçar.
Sipas raportimeve të mediave lokale, viktima është identifikuar si Teresa Sommario, e lindur në Gjermani dhe banore e Racales, ku jetonte me të birin, Filippo Manni.
Tragjedia ndodhi pas një konflikti të ashpër mes nënës dhe djalit, kur Filippo goditi nënën e tij në kokë me një sëpatë.
Pas ngjarjes, i riu u largua nga vendi i krimit dhe u pa duke u endur në qytet, derisa një kalimtar e vuri re dhe njoftoi autoritetet. Policia e arriti dhe arrestoi Filippo Manni, duke e dërguar në komisariat për marrjen e dëshmisë.
Trupi i viktimës u gjet nga djali tjetër i saj, i cili menjëherë njoftoi autoritetet. Karabinierët e kompanisë së Casaranos dhe njësia hetimore e Lecces u përfshinë në hetimet për zbardhjen e ngjarjes.
