Banori i Big Brother VIP Kosova, Toney, ka hapur një bisedë të sinqertë me Hygertën rreth ndjenjave të tij për Benitën.
Gjatë këtij momenti, ai ka treguar se ndihet tërhequr nga bashkëbanorja, por se situata nuk është reciproke.
“Nuk do të thotë që vuaj, por tërheqje kam, më tërheq. Por asaj po i pëlqen Klodi”, ka thënë Toney, duke shpjeguar se ndjenjat e tij nuk janë të lehta për t’u menaxhuar brenda shtëpisë.
Ai thekson se, megjithëse nuk ndihet i dëshpëruar, ekziston një tension i lehtë emocional për shkak të situatës.
Në të njëjtën linjë, Hygerta ka pohuar se është e vetëdijshme për pëlqimin e Benitës ndaj Klodit, duke konfirmuar perceptimin e Tonyes.
