Një aksident trafiku me fatalitet ndodhi të mërkurën pasdite në Drenoc të Klinës, ku një këmbësore u godit për vdekje nga një veturë. Gruaja e moshuar nuk mundi t’iu bëjë lëndimeve të rënda dhe fatkeqësisht vdiq.
Lajmin e ka konfirmuar edhe Policia, ndërsa është bërë e ditur se shoferi i dyshuar tashmë është arrestuar.
Sinjali ka mësuar se gruaja që humbi jetën është Manike Marku, e moshës rreth 76-vjeçare.
Vdekjen e saj e ka konstatuar ekipi mjekësor në Spitalin Rajonal të Pejës dhe më pas trupi është tërhequr për t’u dërguar në IML për obduksion.
Me urdhër të Prokurorit të Shtetit, i dyshuari që shkaktoi aksidentin ka përfunduar në mbajtje për 48 orë.
Rasti është hapur si ‘Hetim i vdekjes’.
