Anjeza Branka ka ndarë lajmin e trishtë se mamaja e saj është ndarë nga jeta së fundmi. Në një postim në Instagram, këngëtarja i dha lamtumirën mamasë e saj, poshtë fotove me të:
“Nuk di nga t’ia nis të shkruaj për ty. Lamtumirë, Ana ime e bukur. Tani nuk kam frikë më asgjë në këtë botë. Frika ime ishte të humbja babin edhe ty, shpirti im i bukur, fryma, aroma ime, mami më e mira në botë. Ju mori Zoti. Lamtumirë.”
Anjeza Branka jeton në Shtetet e Bashkuara të Amerikës, ku u zhvendos bashkë me djalin e saj thuajse pesë vite më parë. Këngëtarja tha në një intervistë për “ABC e Mëngjesit” tre vite më parë se emigroi “për një jetë më të mirë për djalin”.
Atje, Anjeza vazhdon të këndojë në lokale duke shprehur se është e zënë me angazhime të përjavshme.
