Dua Lipa ka mahnitur fansat e saj francezë gjatë një performance të zjarrtë në kuadër të turneut botëror “Radical Optimism”.
Këngëtarja 29-vjeçare shkëlqeu në skenë me një kostum të zi me shkëlqim, geta rrjetë dhe doreza lëkure, duke treguar energjinë dhe lëvizjet e saj karakteristike.
Pamja e saj u plotësua me një sërë bizhuterish dhe, në një moment gjatë koncertit, ajo veshi një pallto të gjatë me gëzof, duke e bërë paraqitjen edhe më elegante.
Siç shkruan DailyMail, performanca e Dua Lipës në Francë u prit me ovacione dhe brohoritje nga publiku, duke konfirmuar edhe një herë statusin e saj si një nga yjet më të mëdhenj të muzikës pop në botë.
