Tërmeti i fuqishëm me magnitudë 7.6, që goditi bregdetin verior të Japonisë, ka tronditur jo vetëm tokën, por edhe rrjetet sociale, ku qytetarë nga e gjithë Japonia kanë ndarë pamje të drejtpërdrejta të momentit kur ndodhi lëkundja.
Në dhjetëra video të shpërndara në platforma si X (ish-Twitter), TikTok dhe Instagram, shihen drita që lëkunden dhunshëm, mobilje që rrëzohen dhe qytetarë që largohen me shpejtësi nga ndërtesat. Në disa prej tyre, dëgjohen edhe alarme emergjente që sinjalizojnë për rrezik të menjëhershëm.
