Drejtori i Përgjithshëm i Policisë së Kosovës, Gazmend Hoxha, ka zhvilluar një vizitë zyrtare në Shtetet e Bashkuara të Amerikës, ku është pritur nga Sekretari i Shtetit të Ajovës, Paul Pate.
Sipas njoftimit të Policisë së Kosovës, takimi u mbajt në ambientet e Kapitolit të Ajovës (IOWA), ku u diskutua për mundësitë e bashkëpunimit të mëtejshëm në fushën e sigurisë.
Në këtë takim, drejtori Hoxha ishte i shoqëruar nga Drilon Zogaj, Shef i Misionit për Konsullatën e Republikës së Kosovës në Des Moines, Sekretari i parë Fatmir Rrahmanaj dhe Kolonel Mentor Shabani.
