Një dokument zyrtar, që mban firmën e Prokurores së Përgjithshme amerikane Pamela Bondi, është depozituar në Kongres, ndërsa renditen emrat e zyrtarëve apo ish-zyrtarëve, përfshi edhe ato të ekspozuar politikisht, që rezultojnë të përmendur qoftë edhe një herë nga dokumentet e lidhura me Jeffry Epstein.
Referuar dokumentit zyrtar të Departamentit të Drejtësisë, më poshtë paraqitet një listë e të gjithë zyrtarëve qeveritarë dhe “personave të ekspozuar politikisht” të emërtuar ose të referuar në materialet e publikuara.
Akti nuk e përcaktoi termin “persona të ekspozuar politikisht”, megjithatë, në përputhje me Seksionin 3 të Aktit, shqyrtuesit në Departament u udhëzuan të shënonin të gjithë zyrtarët qeveritarë dhe personat e ekspozuar politikisht të emërtuar ose të referuar në çdo dokument, përfshirë videot dhe imazhet, që u rishikuan gjatë këtij procesi.
Kjo listë përfshin (siç e kërkon Akti) të gjithë personat për të cilët plotësohen dy kushte:
(1) janë ose kanë qenë zyrtar qeveritar ose person i ekspozuar politikisht; dhe
(2) emri i tyre shfaqet të paktën një herë në skedarët e publikuar sipas Aktit.
Emrat shfaqen në skedarë në një larmi të madhe kontekstesh. Për shembull, disa individë kanë pasur korrespondencë të drejtpërdrejtë dhe të zgjeruar me email me Epstein ose Maxwell, ndërsa të tjerë përmenden vetëm në një pjesë të një dokumenti (përfshirë raportime në media) që, në pamje të parë, nuk lidhet me çështjet Epstein dhe Maxwell.
