Kryetari i LDK-së dhe kandidati i kësaj partie për kryeministër, Lumir Abdixhiku, nga tubimi i mbajtur në Fushë Kosovë me përkrahësit e partisë, ka folur edhe për skandalet e fundit që kanë shpërthyer në Ministrinë e Bujqësisë që drejtohet nga Faton Peci lidhur me grantet për bujqësi.
Abdixhiku ka thënë se bujqit e Kosovës s’meritojnë një shtet që i vjedh, i shkelë dhe që i shikon në sy pa turp dhe pa pendese.
“Bujqit s’duhet të kenë një shtet që edhe i vjedhë edhe i shkelë edhe paturpësisht i shikon në sy pa pendesë”, ka thënë Abdixhiku.
Ai tutje ka shtuar se ndryshimi me LDK-në po vjen dhe se paratë do të kthehen cent më cent.
