Një ushtar ukrainas ka vendosur një rekord botëror për snajperë duke neutralizuar dy ushtarë rusë me një të shtënë të vetme nga një distancë prej 4 kilometrash, sipas ushtrisë ukrainase.
E shtëna u krye nga një anëtar i njësisë së forcave speciale “Pryvyd” ose “Fantazmë” pranë qytetit Pokrovsk, rajoni i Donetskut , të enjten, më 14 gusht, dhe u kap në video, e cila u publikua nga analisti ushtarak Yuri Butusov.
Sipas New York Post , duke cituar mediat lokale, e shtëna u realizua nga një pushkë Alligator 14.5 mm e prodhuar në Ukrainë dhe u drejtua me ndihmën e inteligjencës artificiale dhe dronëve.
Ajo depërtoi në një dritare pas së cilës ndodheshin dy ushtarët rusë, duke i neutralizuar ata.
Distanca prej 4 km konsiderohet tani si rekord në historinë e konflikteve ushtarake. Ajo tejkaloi rekordin e mëparshëm, të arritur gjithashtu nga një snajper ukrainas në vitin 2023. Në atë kohë, një veteran 58-vjeçar i Shërbimit të Sigurisë së Ukrainës (SBU) qëlloi një ushtar rus nga një distancë prej 3,800 metrash duke përdorur pushkën “Lord of the Horizon”.
