Policia e Kosovës, përmes raportit të saj të përditshëm ka bërë të ditur se në Sllatinë të Poshtme, në Viti, janë djegur rreth 7 hektarë të mbjella me grurë.
Në raportin e saj, PK-ja shton se, lidhur me këtë rast është arrestuar një person, pasi që i njëjti ka djegur disa mbeturina dhe se pastaj zjarri ka kapluar edhe grurin.
Më tej, nga raporti bëhet e ditur se sipas ankuesit, vlera e dëmit është rreth 5 mijë euro.
Ndërsa i dyshuari, pas intervistimit është liruar në procedurë të rregullt.
‘‘SHKAKTIM I RREZIKUT TË PËRGJITHSHËM
Fsh. Sllatinë e Poshtme, Viti 09.07.2025 – 16:35. Si pasojë e një zjarri janë djegur rreth 7 hektarë të mbjella me grurë. Lidhur me rastin pas hetimeve është identifikuar dhe arrestuar i dyshuari mashkull kosovar, i cili fillimisht kishte ndezur disa mbeturina dhe pastaj zjarri kishte kapluar grurin. Sipas ankuesit vlera e dëmit sillet rreth 5000€. Në konsultim me prokurorin i dyshuari pas intervistimit është liruar në procedurë të rregullt’’, ka njoftuar Policia.
