Një ngjarje tragjike ka ndodhur të shtunë në lagjen Arbëria të Prishtinës, ku një person është gjetur pa shenja jete brenda një banese. Sipas burimeve viktima është Mentor Palokaj, vëllai i reperit të njohur Viktor Palokaj, i njohur ndryshe si “Unikkatil”.
Shkaku i vdekjes mund të ketë qenë mbidoza, por kjo pritet të konfirmohet nga ekspertiza mjekësore.
I njëjti burim tha se në vendin e ngjarjes janë gjetur substanca narkotike, përfshirë kokainë dhe marihuanë.
Sipas njoftimit zyrtar, policia ka pranuar informacionin rreth orës 18:00, ndërsa ekipi mjekësor që ka dalë në vendngjarje ka konstatuar vdekjen e tij.
“Sot rreth orës 18:00, kemi pranuar informatën për një person pa shenja jete në një banesë në lagjen Arbëria në Prishtinë.
Viktimë në këtë rast është një mashkull (1983), vdekjen e të cilit e ka konstatuar ekipi mjekësor në vendngjarje.” – thanë nga Policia e Kosovës.
Autoritetet thanë se lidhur me rastion hetimet janë duke vazhduar dhe po punohet për të zbardhur rrethanat e plota të rastit.
“Hetuesit policor në koordinim me prokurorin po ndërmarrin të gjitha veprimet e duhura që do t’i kontribuonin hetimit të ngjarjes”
