Para rreth një ore më parë u dëgjuan të shtëna me armë zjarri në Fushë Kosovë, ku për motive akoma të panjohura një person u qëllua dhe mbeti i plagosur.
Gazeta ka mësuar se plagosja ndodhi rreth orës 13:00 në rrugën “Fehmi Lladrovci” dhe se personi i cili mbeti i lënduar nga të shtënat e armës është një zyrtar policor.
Nga informacionet e para që ka siguruar Sinjali bëhet e ditur se polici i cili u qëllua me armë zjarri ishte jashtë detyrës zyrtare dhe i takon Njësisë së Trafikut.
Njësitë përkatëse tashmë kanë dalë në vendin e ngjarjes, ku do të kryhen ekzaminimet e nevojshme.
