Aktori dhe shkrimtari i njohur Çun Lajçi, përmes një postimi në Facebook, ka reaguar për heshtjen e intelektualëve dhe interesat partiake që, sipas tij, po mbizotërojnë mbi interesin e qytetarëve.
Me një gjuhë të drejtpërdrejtë, Lajçi ka folur për raportin e politikës me Amerikën, për sulmet ndaj Vjosa Osmanit dhe Albin Kurtit, si dhe për kthimin e Kosovës në mendësi të vjetra, duke theksuar se vendi ka nevojë për guxim, ndershmëri dhe përfaqësim të vërtetë të popullit që vuan nga elitat milionere të pushtetit.
Shkrimi i plotë
Ju keni interesa ma t’mira
por jo edhe nji njeri që flet pa ia rrudhë qerpiku
Unë s’loboj
unë flas hapun; – e them ate që duhet thanë
nuk ia çeli shtegun haraçxhiut
nuk heshti para analfabetit
unë flas pa doreza
pa qime n’gjuhë!
Je artis!
Hesht. Mos lobo!
S’asht unifikuese; – kishte shkrue njeni
përçarëse asht, – kishte shtue tjetri.
E Kurtit asht! – ia kishte vu kapakun filan fisteku!
Kosova ka nevojë jo për mend, jo për fjalë inglizçe,
por për trima e burra odash!
Qesha!
O Zot sa shumë qesha!
Po kthehemi në kohën e odave, pleqnarëve, hoxhallarëve që na i lexonin letrat!
Dhe…
deri dje thoshim; – na duhet dikush që e don Amerika
dikush që e don Amerikën
dikush që s’merr vendime pa Amerikën!
Dhe …
a s’asht e vetmja, e përkëdheluna e Trampit?
E vetmja që s’ban hapa pa e pyet Vashingtonin?
Por …
ja që partitë e patën me hile edhe dje edhe sot!
Partitë që zvogëlohen si përrojet mbas shiut, dalin kundër Vjosës. Bajnë thirrje; – mos e votoni, ajo asht e Kurtit e Kurti pret me ra shi e me u rritë prrojet e me i ba 80 e ca deputetë që gozhdohen n’karriget e Kuvendit
që votojnë për Po e Jo
e n’fund ta votojnë deputet e Kurtit
e Kosova t’ecë me Amerikën
t’ecë me popullin që po vuen nga milionerët e partive n’pushtet!
Ju edhe mund të keni ndonji interes nga Vjosa
nga Kurti
nga liderët milioner
Po unë çfar interesi kam që mendoj për gjeneratat e palinduna
e shes libra rrugëve për ekzistencën time!
Nuk keni zgjidhje ma t’mirë
keni interesa ma t’mira
por jo edhe nji njeri që flet pa ia rrudhë qerpiku
edhe n’Londër
edhe n’Vashington!
Rrnoftë Kosova e rrnoftë populli se për lidërt partiak, kishte me na hangër dreqi n’drekë e n’darkë!
