Deputeti i LDK-së, Paris Guri, i ka reaguar kolegut të tij nga Vetëvendosje, Artan Abrashi.
Përmes një postimi në profilin e tij, Guri ka bërë të ditur se Abrashi ka përfituar 690 euro për naftë, ndonëse – sipas deklarimeve zyrtare – nuk posedon asnjë veturë të regjistruar në emër të tij.
Reagimi i Gurit vjen si kundërpërgjigje, pasi Abrashi më herët kishte lënë të kuptohet se Guri ishte “adresa” pas incidentit të ndodhur mes Fitore Pacollit dhe një qytetari në oborrin e Kuvendit.
Postimi i plotë:
Ky deputeti që po flet për adresa, i ka marrë prej buxhetit të shtetit 690 euro për naftë vetëm brenda dy muajve, pa pasë makinë të deklaruar fare.
Shumë e çuditshme se qysh po më reagojnë veç këta që kanë keqpërdorë me buxhet të shtetit.
Përndryshe me 690 euro naftë mundesh me shku deri në Norvegji, me u kthy edhe prap të mbesin 1000 km me u sillë në Kosovë.
