Ushtruesja e detyrës së Presidentit të vendit, Albulena Haxhiu ua ka dërguar dje deputetëve të zgjedhur ftesat për seancën konstituive të Kuvendit.
Seanca konstituive do të mbahet të enjten në orën 10:00.
Në ftesë është bashkëngjitur edhe rendi i ditës së asaj seance.
Si pikë e parë është formimi i Komisionit të përkohshëm për verifikimin e kuorumit dhe të mandateve të deputetëve.
Më pas, në rend dite është betimi i deputetëve.
Zgjedhja e Kryetarit të Kuvendit është pika e tretë e seancës.
Pika e fundit është zgjedhja e nënkryetarëve të Kuvendit.
