Një adoleshent 15-vjeçar u dënua me shtatë vjet burgim për të mitur pas sulmit ndaj kandidatit presidencial kolumbian, Miguel Uribe Turbay, gjatë një tubimi në Bogota në qershor.
Senatori konservator, 39 vjeç, u qëllua me tre plumba dhe iu nënshtrua disa operacioneve, por ndërroi jetë më 11 gusht.
Adoleshenti u akuzua për tentativë vrasjeje dhe posedim të paligjshëm të armëve të zjarrit. Pas periudhës së qetësisë, sulmi tronditi Kolumbinë, duke rikujtuar dhunën politike të viteve 1980 dhe 1990, kur u vranë disa kandidatë presidencialë dhe figura me ndikim.
Pesë persona të tjerë janë arrestuar dhe akuzuar lidhur me sulmin, përfshirë Élder José Arteaga Hernández, i dyshuar për krim.
Policia beson se pas vrasjes qëndron një grup disidentësh, ish-rebelë të majtë të FARC-ut. Uribe u qëllua në kokë gjatë tubimit të fushatës më 7 qershor.
