Së fundmi në rrjetet sociale kanë qarkulluar disa fotografi të banores së “BBV5”, Brikena Selmani me babain e saj. Në këto imazhe, Brikena shihet krah babait të saj, duke pozuar e buzëqeshur pranë tij.
Fotot kanë tërhequr vëmendjen e ndjekësve, të cilët kanë komentuar për raportin e ngrohtë dhe të afërt që ajo duket se ka me të atin. Publikimi i këtyre pamjeve ka shtuar edhe më shumë kuriozitetin e fansave për jetën e saj jashtë spektaklit.
Ndërkaq, pas debateve të ashpra mes Mateos dhe Artanit, Brikena e ka pranuar për herë të parë pëlqimin që ajo ka për Mateon.
Ajo është shprehur se është në një moment kur mund ta pranojë me plot kuptimin e fjalës ato që ndjen për banorin.
“Unë normalisht sot mund të them me plot kuptimin e fjalës që kam pëlqim për Mateon edhe kaq. Mateo nuk ofendon, nuk bën gjëra të tilla. Unë e kuptoj që Mateo në atë moment është prekur. Ka qenë në presion”, u shpreh Brikena.
