Faton Klinaku dhe Nuredin Selmani janë deklaruar të pafajshëm në seancën fillestare të mërkurën në Gjykatën Themelore në Prishtinë, në rastin ku po akuzohen për kanosje të kryeministrit në detyrë, Albin Kurti.
Klinaku tha se konsideron që nuk ka vepër penale, andaj nuk e pranon fajësinë.
“Konsideroj se nuk ka vepër penale dhe nuk bëhet fjalë për kurrfarë kanosje dhe nuk e pranoj”, tha i akuzuari.
Edhe i akuzuari tjetër, Nuredin Selmani u deklarua i pafajshëm.
“Jo, nuk e pranoj”, tha ai.
Ndërkaq kryeministri në detyrë Albin Kurti pas prezantimit bëri me dije se nuk ka angazhuar avkovat dhe se do ta përfaqësoj veten këtë rast dhe se nuk do të bëjë kërkesë pasurore-juridike.
