Cila është temperatura ideale për shtëpinë tonë në dimër, në mënyrë që të ndihemi rehat, ngrohtë dhe njëkohësisht të mbrojmë shëndetin tonë në mënyrën më të mirë? Kjo pyetje na shqetëson – nëse sigurisht që gjithmonë kemi “luksin” ta rregullojmë atë.
Siç na kujton BBC në një raport të ri, ka rreziqe që lidhen me temperaturat e ulëta këtë stinë , nga gripi te hipotermia dhe ataket në zemër, në ditët më të ftohta. Sigurisht, të moshuarit dhe fëmijët shumë të vegjël janë më të prekshëm.
Këtë sezon ka rreziqe që lidhen me temperaturat e ulëta, nga gripi te hipotermia dhe ataket në zemër, në ditët më të ftohta.
Temperatura ideale e ambientit brenda shtëpisë është që termostati të vendoset diku midis 18 dhe 21 gradë Celsius. Por për të moshuarit , fëmijët shumë të vegjël dhe njerëzit me sëmundje kronike, Organizata Botërore e Shëndetësisë rekomandon, konkretisht, 20 gradë Celsius.
Nëse, tani, kemi simptoma që tregojnë për gripin, i cili është në kulmin e tij në këtë kohë të vitit, nuk e marrim si të mirëqenë se “do të kalojë vetë”, por konsultohemi me mjekun tonë.
Specialisti mund të na përshkruajë ilaçe që, nëse merren brenda 48 orëve të para , do të kufizojnë simptomat dhe rrezikun e ndërlikimeve. Grupet vulnerabël në këtë rast nuk janë vetëm foshnjat dhe të moshuarit, por edhe duhanpirësit dhe ata që vuajnë nga sëmundje kronike si astma ose diabeti.
