Sonte në pjesën e parë të emisionit Pressing, Ferit Idrizi, kandidat i PDK-së për Vushtrrinë shpalosi ofertën e tij për qytetarët.
Ai premtoi ndërtimin e Stacionit të Autobusëve, linjën për transport urban, parkun në qytet, shtigje për biçikleta etj.
“Ju premtoj qytetarëve se tash i ka ardhë rendi me ndërtu stacionin e autobusëve që unë në mandatin e kaluar nuk e kam premtu. Po premtoj transportin urban, me linjë nga rrethi i Nadakovcit deri në Smrekonicë nëpërmes qytetit dhe prap me u kthy aty…”, tha Idrizi.
“Do t’i vendosi edhe tri rrethrrotullime”, shpjegoi tutje kryetari.
“Do të ndërtoj parkun e qytetit te lumi Sitnica, 5 hektar hapësirë”, shtoi ai.
“Do t’i asfaltoj rrugët sipas standardeve”, tha Kryetari duke përmendur rrugët që i ka në planifikim t’i riasfaltojë.
Shtigje për biçikleta, premtoi poashtu Idrizi.
Ai tutje tha se do ta ngris “obeliskun e UÇK-së në majë të Qyqavicës”.
