Shukri Buja ka refuzuar t’i përgjigjet pyetjeve të prokurorit të specializuar në Hagë, i paraqitur të hënën në cilësinë e dëshmitarit në rastin ndaj ish-krerëve të Ushtrisë Çlirimtare të Kosovës.
Ish-komandanti i UÇK-së nuk i është përgjigjur prokurorit në pyetjet e tij rreth nofkave apo pseudonimeve të Bujës. Ka refuzuar të përgjigjet edhe rreth pyetjeve për LPRK-në dhe LPK-në, dy lëvizjeve politike pan-shqiptare.
Përveç se dëshmitar, Buja është edhe i dyshuar për krime lufte.
Dëshmia e Bujës
Prokurori: “A keni qenë ndonjëherë i njohur me nofkën ‘Gazetari’?”
Buja: “Nuk mund ta konfirmoj, sepse më inkriminon”
Prokurori: “A keni qenë ndonjëherë i njohur me nofkën ‘Sokoli’?”
Buja: “Nuk mund të pëtgjigjem”
Prokurori: “Çfarë ka qenë LPRK-ja?”
Buja: “Nuk mund ta konfirmoj, sepse më inkriminon”
Prokurori: “Dëshmitar, a keni qenë ndonjëherë në dijeni për LPRK-në?”
Buja: “Kjo mund të më ikriminoj”.
Seanca gjyqësore, në të cilën pritet të vazhdojë intervistimi i Bujës nga prokurori i specializuar, ka vazhduar në seancë private.
