Në mbledhjen e Këshillit të Sigurimit të Kombeve të Bashkuara për çështjen e Kosovës, të mbajtur të enjten në Nju Jork, Mbretëria e Bashkuar ka kërkuar zgjedhjen e Presidentit të Kosovës në përputhje me Kushtetutën e vendit.
Jennifer MacNaughtan, diplomatja britanike në takimin e Këshillit të Sigurimit, deklaroi: “Ne inkurajojmë përparimin e shpejtë drejt zgjedhjes së një Presidenti, në përputhje me Kushtetutën e Kosovës.”
Ajo shtoi se Mbretëria e Bashkuar vazhdon t’u bëjë thirrje Kosovës dhe Serbisë që të zgjidhin mosmarrëveshjet e pazgjidhura përmes Dialogut të lehtësuar nga Bashkimi Evropian.
