Zëvendëskryeministri i Kosovës, Besnik Bislimi, i shoqëruar nga ambasadori i Kosovës në Uashington D.C., Ilir Dugolli, mori pjesë në ngjarjen e organizuar nga Ambasada e Republikës së Shqipërisë me rastin e 112-vjetorit të pavarësisë dhe 80-vjetorit të çlirimit të Republikës së Shqipërisë.
Gjatë ngjarjes, sipas një komunikate për media, Bislimi pati kënaqësinë të takojë edhe zëvendësndihmës sekretarin për Ballkanin Perëndimor nga Departamenti Amerikan i Shtetit, Alexander Kasanof, ambasadorë, diplomatë dhe pjesëtarë të diasporës shqiptare në Shtetet e Bashkuara të Amerikës.
