Ish-deputetja e LDK-së përplaset në debat me veteranin e UÇK-së, Nasim Haradinaj, rreth rolit të Ushtrisë Çlirimtare të Kosovës dhe kontributit të Rugovës në shtetformim.
Ish-deputetja e Lidhjes Demokratike të Kosovës (LDK), Besa Gaxherri, ka deklaruar se Ushtria Çlirimtare e Kosovës (UÇK) ishte e ish-presidentit historik, Ibrahim Rugova, duke nxitur debat gjatë një përballjeje televizive me veteranin e UÇK-së, Nasim Haradinaj.
Gjatë diskutimit, Haradinaj e pyeti Gaxherrin nëse e kundërshton faktin që UÇK-ja e solli dhe e vulosi shtetin e Kosovës. Në reagim, ajo theksoi se roli i Rugovës në luftë dhe në procesin e shtetformimit nuk mund të mohohet.
“Po UÇK ishte e Ibrahim Rugovës, këtu është problemi, këtu është problemi që ju nuk keni dashtë me e pranu, s’ju ka pëlqy me pranu”, u shpreh Gaxherri.
