Deputeti i Partisë Demokratike të Kosovës (PDK), Artan Behrami, ka reaguar ashpër ndaj kryeministrit në detyrë, Albin Kurtit, pasi që ky i fundit kërkoi kohë lidhur me emrin për kryetar të Kuvendit, duke shpresuar në arritjen e një marrëveshjeje politike me LDK’në.
Behrami me anë të një shkrimi në ‘Facebook’ ka pretenduar se Kurti udhëhiqet nga, siç u shpreh ai, doktrinat serbe. Behrami e ka quajtur Kurtin “okupues të institucioneve”.
Më pas, ai ka thënë se protestat do të bëhen të pashmangshme.
“I udhëhequr nga doktrina serbe, i kapluar nga frika e humbësit, Albin Kurti, Kosovën e ka shndërruar në “Banana Republic”! Durimi po soset. Protestat do të bëhen veprime të pashmangshme me këtë okupues të institucioneve”, ka deklaruar Behrami.
