Kryetari i Mitrovicës, Bedri Hamza së bashku me nënkryetarin Arian Tahiri kanë parë nga afër punimet e përfunduara tek ura e re në Liqenin Akumulues.
Kjo urë ishte ndalur së punuar me vendim të zv.ministrit të planifikimit hapësinor Avni Zogiani për gati 1 vit për shkak të dëmtimit sipas tij të “ekosostemit”.
Hamza përmes një postimi ka shkruar se do angazhohet që të krijojë edhe ura tjera mbi lumnej e liqene por edhe për çdo sfidë të Kosovës.
Postimi i plotë:
Një urë e re mbi Liqenin Akumulues të Mitrovicës, e cila nga sot është e hapur për qytetarët. Një projekt i realizuar me shumë përkushtim nga Komuna e Mitrovicës për t’i forcuar lidhjet e qytetarëve tanë.
Unë angazhohem të ndërtoj ura, jo vetëm mbi lumenj e liqene, por edhe mbi çdo sfidë të Kosovës.
