Kryediplomatja e Bashkimit Evropian, Kaja Kallas, njoftoi miratimin e paketës së re të sanksioneve ndaj Rusisë, duke e cilësuar atë si “një nga paketat më të fuqishme të sanksioneve ndaj Rusisë deri më sot”.
“Ne po qëndrojmë të palëkundur. BE-ja sapo miratoi një nga paketat më të fuqishme të sanksioneve ndaj Rusisë deri më sot. Po i ulim edhe më tej buxhetin e luftës së Kremlinit, duke vendosur masa ndaj edhe 105 anijeve të flotës së fshehtë, bashkëpunëtorëve të tyre dhe duke kufizuar më tej qasjen e bankave ruse në financime,” shkroi Kallas në “x”.
“Tubacionet Nord Stream do të ndalohen. Një kufi më i ulët për çmimin e naftës. Po ushtrojmë më shumë presion mbi industrinë ushtarake ruse, bankat kineze që mundësojnë shmangien e sanksioneve dhe po bllokojmë eksportet e teknologjisë që përdoren në drone”, ka shkruar Kallas.
Miratimi i paketës erdhi pas dështimit të përpjekjeve tri ditë më parë, për shkak të mosmarrëveshjeve me Sllovakinë.
