Hykmete Bajrami, kandidate e LDK për deputete, ka komentuar intervistën e Glauk Konjufcës, nënkryetar i VV, që u zhvillua mbrëmë.
Bajrami ka vlerësuar me tone kritike këtë intervistë.
“Gënjeshtra e madhe e Albinit para tri netëve, e përsëritur nga Glauku mbrëmë, ishte ajo rreth buxhetit, kinse këta e paskan marrë buxhetin 2.3 miliardë euro dhe e kanë rritur në 4 miliardë euro.Kjo është absolutisht e pavërtetë!
4 miliardë euro janë projeksion për vitin 2026, ndërsa realizimi i buxhetit në vitin 2024 ka qenë 3.2 miliardë euro, e këtë vit deri më 30 nëntor realizimi i buxhetit është 2.854 miliardë euro. Pra, gënjeshtra e Kurtit për buxhetin peshon hiç më pak se 800 milionë euro, pak a shumë e njëjtë me koston e importit të energjisë elektrike që ka ndodhur në mandatin e tyre.
Në ditët në vazhdim shihemi me shpalosje të programit qeverisës të LDK-së” – ka shkruar ajo.
