Deputeti i Lëvizjes Vetëvendosje, Agim Bahtiri, është paraqitur sot i buzëqeshur në ambientet e Kuvendit të Kosovës, duke mos fshehur entuziazmin për një zhvillim të rëndësishëm në Mitrovicë.
Në një prononcim të shkurtër për media, Bahtiri ka bërë të ditur se arsyeja e gëzimit të tij është hapja e urës së re mbi lumin Ibër, e cila sipas tij tashmë është e lirë për të gjithë qytetarët.
“Urime ura e re gjithë Kosovës. Kënaqësi e veçantë sot, e kemi urën e hapur. Është e lirë për të gjithë qytetarët që lidh dy brigjet e lumit Ibër. Kështu që jam tepër i lumtur”, u shpreh Bahtiri.
I pyetur për konstituimin e Kuvendit, Bahtiri zgjodhi të mos komentojë.
