Avokati Gazmend Halilaj ka reaguar ashpër ndaj, siç thotë ai, fushatës së organizuar shpifëse të opozitës ndaj tij.
Përmes një postimi në rrjetin social Facebook, Halilaj ka bërë të ditur se vetëm në dy ditët e fundit, opozita ka harxhuar mbi 40 mijë euro në media për ta sulmuar personalisht.
“Hej miq – për dy ditë Opozita mbi 40.000 euro, në media – për të shpif ndaj meje,” shkruan Halilaj, duke ironizuar se as kjo shumë nuk është e mjaftueshme për ta ndalur.
Avokati nuk ndalet me kaq. Ai pyet me ton sfidues: “Çka nëse në politikë rri 7 vjet? Çka nëse rri 24, ndonëse do të rri më shumë?” – duke sugjeruar se sulmet ndaj tij kanë për qëllim pengimin e angazhimit të tij të gjatë në politikë.
Sipas tij, paratë e përdorura për këto sulme janë pjesë e fondeve të dyshimta të përfituara nga:
- Bujqësia,
- Sektori i shëndetësisë,
- Procesi i privatizimit,
- Posta,
- Ministria e Infrastrukturës,
- Përmendoret,
- Dhe madje edhe nga veteranët e rremë, për të cilët përmend shifra prej 3,000 deri në 5,000 euro për secilin.
Halilaj përfundon me një thirrje ironike ndaj opozitës:
“Kërkesa ime për Opozitën: mos u ndalni… edhe ashtu s’keni çka me humb më shumë!”
Ky reagim vjen në një kohë të tensionuar politike, ndërsa Halilaj duket i vendosur të vazhdojë betejën publike dhe politike pa u trembur nga sulmet ndaj tij.
