Senatori kolumbian Miguel Uribe është në gjendje kritike pasi u qëllua me armë zjarri gjatë një eventi publik në një park në Bogota.
Ngjarja ndodhi të shtunën, ndërsa Uribe po merrte pjesë në një aktivitet politik.
Autori i sulmit është arrestuar menjëherë në vendin e ngjarjes, ndërsa policia konfirmon se një person i dytë është gjithashtu në pranga, me dyshime për përfshirje në atentat, transmeton Blu Radio.
Uribe, anëtar i partisë së djathtë Qendra Demokratike, kishte njoftuar në tetor se do të kandidonte për president në zgjedhjet e ardhshme. Hetimet janë duke vazhduar për të zbuluar motivet e sulmit.
