Presidenti amerikan, Donald Trump, ka bërë një deklaratë të fortë duke sugjeruar se deportimi i personave të lindur në SHBA, të cilët kryejnë krime të dhunshme, mund të jetë “puna e radhës” e administratës së tij.
Gjatë një fjalimi, Trump iu referua një liste të krimeve të rënda dhe theksoi se disa nga kriminelët “nuk janë të rinj në vendin tonë, ata janë të vjetër për vendin tonë”.
“Shumë prej tyre kanë lindur në vendin tonë. Mendoj se duhet t’i nxjerrim menjëherë që këtej. Kjo do të jetë puna tjetër që do të punojmë së bashku”, u shpreh Trump.
Kjo deklaratë ka ngjallur reagime të forta, duke qenë se deportimi i qytetarëve të lindur në SHBA do të përbënte një ndryshim rrënjësor në politikat e imigracionit dhe ligjet e shtetësisë. Detaje të mëtejshme priten për të sqaruar se si mund të zbatohet një propozim i tillë dhe çfarë implikimesh ligjore mund të ketë.
