Më shumë se 200 të burgosur kanë ikur nga një burg në qytetin port jugor të Karaçit pasi një tërmet dëmtoi muret e burgut, tha të martën një zyrtar lokal, sipas Anadolu.
Ngjarja ndodhi natën vonë të hënën, kur të burgosurit u arratisën përmes një muri të dëmtuar në burgun Malir, i cili ishte dëmtuar nga disa tërmete me intensitet të ulët në atë zonë që nga e diela, tha për gazetën lokale Dawn Inspektori i Përgjithshëm i Policisë në Sindh, Ghulam Nabi Memon.
Ai shtoi se policia ka nisur tashmë operacionet për arrestimin e 216 të burgosurve, dhe deri më tani janë kapur 78 prej tyre.
